Türkmenistanyň telekeçileri Koreýadaky 24-nji Bütindünýä kongrese çagyrylýar
Türkmenistanyň telekeçileri Koreýa Respublikasynyň Inçhon şäherinde geçiriljek möhüm halkara çärä gatnaşmaga çagyrylýar. Koreýaly telekeçileriň 24-nji Bütindünýä kongresi («Hansang») cari ýylyň 28–30-njy sentýabry aralygynda meşhur «Songdo Convensia» sergi merkezinde guralar.
Kongresiň esasy maksatnamasy we şertleri
Koreýa Respublikasynyň Türkmenistandaky ilçihananyň beren maglumatyna görä, bu abraýly halkara çäräniň çäginde işewürler üçin giň mümkinçilikler döredilýär. Programmanyň esasy ugurlaryna şular girýär:
- B2B duşuşyklary — işewürleriň arasynda göni 1:1 görnüşindäki hyzmatdaşlyk söhbetdeşlikleri;
- Kärhanalaryň sergisi — öňdebaryjy kompaniýalaryň we önümleriň görkezilşi;
- Ýaş biznes-liderleriň forumy hem-de startaplar bäsleşigi.
Bellenilişi ýaly, çärä gatnaşmak mugt bolup durýar. Diňe öz stendi bolan eksponent-kompaniýa hökmünde gatnaşmagy meýilleşdirýänler üçin tölegli şertler göz öňünde tutulandyr.
Hasaba alyş we gatnaşmak üçin ýüz tutmak
Kongrese gatnaşmak isleýän telekeçilerimiz üçin hasaba alyş işleri eýýäm başlandy we resmi saýtda ýapylyş habary çykýança dowam eder.
- Hasaba durmak üçin: Isleg bildirýänler Hansang.net resmi saýtynda özlerine şahsy otag açyp, hasaba durup bilerler.
- Goşmaça maglumat: Uçar petekleri we ýaşaýyş jaý çykdajylary boýunça mümkin bolan goldawlar baradaanyklaşdyrmak üçin iyhwang11@korea.com elektron salgysyna ýüz tutup bilersiňiz.
