2–7-nji awgust aralygynda Londonda geçirilen «iWISE Global Final London 2026» atly halkara bäsleşiginde Türkmenistanyň 10 mekdep okuwçysy üstünlikli çykyş etdi.

«Türkmenistan: Altyn asyr» neşiriniň habar bermegine görä, bäsleşigiň ähli tapgyrlarynyň jemleri boýunça Türkmenistanyň topary 10 medal — 6 altyn we 4 kümüş medal gazandy. Giň gerimli bu aň-paýhas bäsleşigine 25 döwletiň mekdep okuwçylary gatnaşdylar.

Altyn medallaryň eýeleri:

  • Resulberdi Orazberdiýew (Aşgabat şäheriniň 97-nji ýöriteleşdirilen orta mekdebi)

  • Salyh Kakalyýew (Aşgabat şäheriniň 97-nji ýöriteleşdirilen orta mekdebi)

  • Resul Geldiýew (Aşgabat şäheriniň 97-nji ýöriteleşdirilen orta mekdebi)

  • Selim Begmyradow (Aşgabat şäheriniň 7-nji orta mekdebi)

  • Nurmurat Kulow (Aşgabat şäherindäki 87-nji ýöriteleşdirilen orta mekdebi)

  • Malikmyrat Annamyradow (Türkmenistanyň Goranmak ministrliginiň Berdimuhammet Annaýew adyndaky 1-nji ýöriteleşdirilen harby mekdebi)

Kümüş medallaryň eýeleri:

  • Salyh Altyýew (Aşgabat şäheriniň 97-nji ýöriteleşdirilen orta mekdebi)

  • Rozymyrat Ýagşymyradow (Aşgabat şäheriniň 13-nji ýöriteleşdirilen orta mekdebi)

  • Ebubekir Berdiýew (Arkadag şäheriniň 3-nji ýöriteleşdirilen orta mekdebi)

  • Umyt Atamyradow (Arkadag şäheriniň 2-nji ýöriteleşdirilen orta mekdebi)

Türkmenistanyň bäş wekili taýýarlygynyň ýokary derejesini görkezip, «Iň gowularyň gowusy» («Best of the Best») diýen hormatly ada mynasyp boldular we ýörite pul baýraklary bilen sylaglandylar.