Davlat rassomlik akademiyasining ko‘rgazmalar zalida Xalqaro xotin-qizlar kuniga bag‘ishlangan ko‘rgazma ochildi

Turkmaniston Davlat rassomlik akademiyasining ko‘rgazmalar zalida Xalqaro xotin-qizlar kuni munosabati bilan ayol o‘qituvchilar va talaba qizlarning “San’at olami bahori” nomli ko‘rgazmasi ochildi. Ko‘rgazmaning ochilish marosimida mamlakatning taniqli san’atshunoslari va rassomlari so‘zga chiqib, ayol ijodkorlar tomonidan yaratilgan asarlarning badiiy qiymati va o‘ziga xosligi haqida to‘xtalib o‘tdilar. Bu haqda “Turkmaniston” gazetasida xabar berildi.

Xabarda ta’kidlanishicha, oliy o‘quv yurtining tajribali ustozlari Dursunsolmaz Muhammedova, Annabibi Islomova, yosh o‘qituvchilar Roza Agaxanova, Mehrijemal Gullayeva, Xaticha Amansohedova, Oguldondi Bayramgeldiyeva, Bahar Pirguliyeva, Sadap Kurbanova, Aksona Saparmedova va boshqalar san’atning turli yo‘nalishlarida asarlar yaratib, ularning har biri o‘ziga xos badiiy xususiyatlari bilan ajralib turadigan ijodiy yo‘lini topganlar.

Ko‘rgazmadagi ustoz va yosh ayol rassomlarning asarlari go‘zallik, baxt-saodat, turkman diyori, milliy meros va ayollar olamiga nazar tashlash imkonini beradi.