Karlo Anchelotti Braziliya terma jamoasining JCh 2026 uchun to‘liq tarkibini tasdiqladi
Braziliya milliy terma jamoasi bosh murabbiyi Karlo Anchelotti JCh-2026 uchun yakuniy ro‘yxatni e’lon qilish dastasini yirik televizion shou ko‘rinishida o‘tkazdi. Kechaning eng asosiy voqeasi “Santos” klubi hujumchisi, 34 yoshli Neymarning tarkibga kiritilishi bo‘ldi. Anchelotti jamoatchilik bosimi va mamlakat prezidentining tavsiyalaridan tashqari, Neymarning joriy mavsumdagi 15 ta o‘yinda 6 ta gol va 4 ta assist qayd etgan samarali harakatlariga tayanib qaror qabul qilganini aytdi. Murabbiyning ta’kidlashicha, Neymar maydonda hatto bir daqiqa harakat qilsa ham jamoaga o‘z ta’sirini o‘tkaza oladi.
Anchelotti tomonidan tanlab olingan Braziliya terma jamoasining to‘liq rasmiy ro‘yxati:
- Darvozabonlar: Alison Beker (“Liverpul”), Ederson (“Fenerbaxche”), Veverton Pereyra da Silva (“Gremio”).
- Himoyachilar: Duglas Santos (“Zenit”), Aleks Sandro (“Flamengo”), Bremer (“Yuventus”), Danilo (“Flamengo”), Gabriel Magalyayns (“Arsenal”), Rojer Ibanes (“Al-Ahli”), Pereyra Leo (“Flamengo”), Markinyos (“PSJ”), Uesli Fransa (“Roma”).
- Yarim himoyachilar: Lukas Paketa (“Flamengo”), Bruno Gimaraens (“Nyuukasl”), Kazemiro (“Manchester Yunayted”), Fabinyo (“Al-Ittihod”), Danilo dos Santos de Oliveyra (“Botafogo”).
- Hujumchilar: Neymar (“Santos”), Luis Enrike (“Zenit”), Endrik (“Lion”), Gabriel Martinelli (“Arsenal”), Igor Tyago (“Brentford”), Mateus Kunya (“Manchester Yunayted”), Rafinya (“Barselona”), Vinisius Junior (“Real” Madrid), Rayan Vitor (“Bornmut”).
Tarkib e’lon qilinishi qator dramatik voqealarni ham yuzaga keltirdi. “Chelsi” safida 34 ta o‘yinda 15 ta gol urgan Jao Pedro hamda “Betis” vingeri Antoni yakuniy ro‘yxatdan joy ololmadi. Iyun oyi boshida Braziliya Panama va Misrga qarshi o‘rtoqlik o‘yinlarida maydonga tushadi. Karlo Anchelotti ushbu tarkib bilan terma jamoa Jahon chempionati finaliga yetib borishi va bosh sovrinni qo‘lga kiritishiga to‘liq ishonishini ma’lum qildi.
