Turkmaniston va Avstriya yuqori darajadagi uchrashuvlarni o‘tkazish masalasini muhokama qildi

Dushanba kuni Turkmaniston tashqi ishlar vaziri Rashid Meredov Avstriyaning Yevropa va xalqaro ishlar bo‘yicha federal vaziri Beate Maynl-Rayzinger bilan videokonferensiya shaklida uchrashuv o‘tkazdi. Uchrashuv davomida 2026 yilda eng yuqori va yuqori darajadagi uchrashuvlarni tashkil etish imkoniyatlari muhokama qilindi.

Muzokaralar chog‘ida tomonlar siyosiy-diplomatik, savdo-iqtisodiy hamda madaniy-gumanitar sohalardagi ikki tomonlama hamkorlikka oid masalalarning keng doirasini ko‘rib chiqdilar, deb xabar beradi Turkmaniston Tashqi ishlar vazirligi.

Shuningdek, Birlashgan Millatlar Tashkiloti, Yevropa Ittifoqi va Yevropada Xavfsizlik va Hamkorlik Tashkiloti doirasida Turkmaniston va Avstriya Respublikasi o‘rtasidagi hamkorlikka alohida e’tibor qaratildi.

Uchrashuv yakunida tomonlar xalqaro maydonlardagi hamkorlik darajasini yuqori baholab, o‘zaro qiziqish uyg‘otgan xalqaro masalalar yuzasidan fikr almashdilar.

Turkmaniston va Avstriya o‘rtasidagi diplomatik munosabatlar 1992 yil 16 oktyabrda o‘rnatilgan.