Turkmanistonning “Galkynysh” milliy ot ustidagi o‘yinlar guruhi Bokuda chiqish qildi

Turkmaniston Davlat sirkining “Galkynysh” milliy ot ustidagi o‘yinlar guruhi 4-mart kuni Boku shahridagi “Bina” ot sporti markazida tomoshabinlar uchun shov-shuvli chiqishini namoyish etdi.

“AZERTAC” agentligining chorshanba kungi xabariga ko‘ra, 2025-yilda Monte-Karloda o‘tkazilgan Xalqaro sirk festivalining bosh sovrini sohibi bo‘lgan “Galkynysh” milliy ot ustidagi o‘yinlar guruhi Ozarbayjon poytaxtida ilk bor chiqish qildi.

Guruh artistlari otlar ustida murakkab tryuklarni bajarib, o‘z chiqishlarining uyg‘unligi, dinamik harakatlari va yuksak mahorati bilan tomoshabinlarni hayratda qoldirdilar.

Mazkur qiziqarli shou Turkmaniston Davlat sirki hamda Arkadag‘ shahridagi Go‘ro‘g‘li nomidagi davlat ot sporti sirki artistlari va akrobatlarining hayajonli chiqishlarini ham o‘z ichiga oldi.

Dastur yakunida chavandozlar Turkmaniston va Ozarbayjon davlat bayroqlarini ko‘targan holda maydonga chiqishdi.