Yil oxirigacha Yer ikki marta “Yaqin to‘lin oy” hodisasini kuzatadi
2025-yil oxirigacha Yer sayyorasi ikki marta Yaqin to‘lin oy hodisasini kuzatadi — ular 5-noyabr va 4-dekabr kunlariga to‘g‘ri keladi.
Bu haqda Boku Davlat Universiteti fizika fakultetining astrofizika kafedrasi ma’lum qildi.
Yaqin to‘lin oy — bu Oy to‘liq bo‘lganda va uning orbitasidagi Yerga eng yaqin nuqtasi — perigeyga (masofa 360 000 km dan kam) yetganda yuz beradi. Shu paytda Oy odatdagidan 7–14% kattaroq va 15–30% yorqinroq ko‘rinadi.
Noyabr va dekabr oylarida Oy bilan Yer orasidagi masofa mos ravishda 356 832 km va 356 961 kmni tashkil etadi.
Olimlarning ta’kidlashicha, Yaqin to‘lin oy hodisasi inson va tabiat uchun xavf tug‘dirmaydi. Uning yagona ta’siri — dengiz va okean suvlarining sathi 3–5 santimetr atrofida ko‘tarilishi mumkin.
