Köp ýyllyk barlaglar kofe içmegiň Altsgeýmer, Parkinson, 2-nji görnüşli süýji keseli we rak keseliniň käbir görnüşleriniň döremek töwekgelçiligini azaltýandygyny görkezýär. Emma bu täsiriň takyk molekulýar mehanizmi nämälim bolup galýardy. Tehas A&M uniwersitetiniň alymlarynyň Nutrients žurnalynda çap edilen täze ylmy işi bu soraga aýdyňlyk girizýär.

Professor Stiwen Seýfiň ýolbaşçylygyndaky topar kofeniň düzümindäki polifenollaryň, esasan hem kofe kislotasynyň NR4A1 reseptoryny işjeňleşdirýändigini ýüze çykardy. Bu belok öýjükleriň sowuklamasyny azaltmaga we şikeslenen dokumalary dikeltmäge kömek edýär. Barlagda kofeiniň bu reseptora oňly täsir etmeýändigi bellenilýär — bu bolsa kofeinsiz kofeniň hem näme üçin meňzeş peýdaly häsiýetlere eýedigini düşündirýär.