Halkara nebit we gaz uniwersiteti “THE Sustainability Impact Ratings 2026” dünýä reýtingine girizildi

Beýik Britaniýanyň Times Higher Education agentliginiň “THE Sustainability Impact Ratings 2026” dünýä reýtinginiň netijeleri yglan edildi. Bu reýting ýokary okuw mekdepleriniň BMG-niň Durnukly ösüş maksatlaryna (SDG) goşan goşandyny bahalandyrýar. 2026-njy ýylda dünýäniň 116 ýurdundan 1 646 uniwersitet gatnaşan bu sanawa, taryhda ilkinji gezek Türkmenistandan üç uniwersitet girizildi. Ýagşygeldi Kakaýew adyndaky Halkara nebit we gaz uniwersiteti bäşinji ýyl yzly-yzyna bu abraýly reýtinge gatnaşyp, bilim, ylym we innowasiýa ugurlarynda öňdebaryjylygyny subut etdi. Uniwersitet SDG 4 (Hil bilim), SDG 7 (Arzan we arassa energiýa) we SDG 9 (Senagat, innowasiýa we infrastruktura) ugurlary boýunça görkezijilerini gowulandyrdy.