Hytaýyň ýokary okuw mekdeplerinde bilim almak üçin resminamalary kabul edişlik başlandy

Halkara ynsanperwer ylymlary we ösüş uniwersitetinde Hytaý Halk Respublikasynyň ýokary okuw mekdeplerinde bilim almak isleýän raýatlar üçin resminamalary kabul ediş tapgyryna badalga berildi. Bilim ministrliginiň maglumatyna görä, dalaşgärler resminamalaryny 21-nji iýuna çenli tabşyrmaly. 18-25 ýaş aralygyndaky, doly orta ýa-da orta hünär bilimi bolan we iňlis dilini bilýän ýaşlar bäsleşige gatnaşyp bilerler. Synaglardan üstünlikli geçen dalaşgärler bilen söhbetdeşlik 23-nji iýunda geçiriler. Okamak we ýaşamak şertleri, şeýle-de ugurlar baradaky giňişleýin maglumatlary uniwersitetiň kabul ediş toparyndan alyp bilersiňiz.