Lebapda stol tennis boýunça welaýat birinjiligi geçirildi

Türkmenabat şäheriniň 6-njy sport mekdebinde guralan bu welaýat birinjiligi ýaş nesliň arasynda stol tennisini wagyz etmek we iň ökde türgenleri ýüze çykarmak maksady bilen guraldy. Ýaryşa Türkmenabat şäheriniň, Farap, Dänew, Saýat, Kerki we Döwletli etraplarynyň sport mekdepleriniň toparlary wekilçilik etdiler.

Gatnaşyjylaryň statistikasy:Bäsleşikler toparlaýyn, şahsy, jübütleýin we garyşyk görnüşlerde alnyp barlyp, oňa gatnaşan 98 türgeniň 61-si oglanlar, 37-si bolsa gyzlardyr.

Ýaryşyň netijeleri:

Toparlaýyn oglanlar: Türkmenabat şäheriniň 6-njy sport mekdebiniň topary (Jora Gurbandurdyýew, Aslan Sapaýewa, Timur Allaýarow, Salih Kurbanbaýew) I orna mynasyp boldy.

Toparlaýyn gyzlar: Dänew etrabynyň 7-nji sport mekdebiniň topary (Manzura Bahramjanowa, Selbi Baharjanowa, Zeýna Aýtmedowa, Selbi Muradowa) I orny eýeledi.

Jübütleýin ýaryşlar: Gyzlaryň arasynda Aknur Hudyýewa we Manzura Bahramjanowa (I orun), oglanlaryň arasynda bolsa Aslan Sapaýew we Jora Gurbandurdyýew (I orun) iň gowy netijeleri görkezdiler.

Şahsy birinjilikler (ýaş aýratynlyklary boýunça ýeňijiler):

Oglanlar: Ilnam Weliýew (2008-2011ý.), Aslan Sapaýewa (2012-2014ý.), Salih Kurbanbaýew (2015-2016ý.) we Ali Bahtiýarow (2017-2019ý.) öz ýaş derejelerinde I orunlary eýelediler.

Gyzlar: Selbi Baharjanowa (2008-2011ý.), Enejan Hudyýewa (2012-2014ý.), Aknur Hudyýewa (2015-2016ý.) we Adiba Rajapowa (2017-2019ý.) birinji orunlara mynasyp boldular.

Ýaryşyň ahyrynda ýeňijilere we baýrakly orunlary eýelän türgenlere hormat hatlary gowşuryldy.

Çeşme: Material 6-njy sport mekdebiniň resmi maglumatlary esasynda «Amul Info» redaksiýasy tarapyndan taýýarlandy.