Türkmenistanyň 110 ýaşly raýaty öz maşgalasy bilen baýramçylyk geçirdi

Täze ýylyň öňüsyrasynda Daşoguz welaýatynyň Akdepe etrabynyň Daýhan obasynyň ýaşaýjysy Nowar Gylyjowa 110 ýaşyny doldurdy. Baýramçylygy ol çagalary, agtyklary, nebereleri we obadaky goňşulary bilen bilelikde belledi. Obada ony uly maşgalanyň başy hasaplaýarlar diýip, “Türkmenistan” gazeti ýazýar.

Nowar enäniň üç ogly, iki gyzy, 16 agtygy we 6 çowlugy bar. Ýakyn günlerde maşgalanyň agzalarynyň ýene-de köpelmegine garaşylýar. Enäniň ähli çagalary we nebereleri pedagogiki işi bilen baglanyşyklydyr, şonuň üçin obada olara “mugallymlar maşgalasy” diýilýär. Nowar enäniň ogly Tirkeş bolsa ýerli 39-njy orta mekdepde 55 ýylyň dowamynda zähmet öwrenişi mugallymy bolup işleýär.

«Meniň arzuwym hasyl boldy, zähmetimiň miwesini görmek we doly durmuşda ýaşamak maňa miýesser etdi. Ähli çagalarym agzybir bir maşgala döretdiler, köp neberelerim hem özbaşdaklyga çykdy, aýratyn maşgala boldylar — diýip, Nowar ene paýlaşdy.».

Nowar Gylyjowa ömrüniň ähli ýylyny oba hojalygynda geçirdi. Uzyn ömrüniň syry barada gürrüň berende, ol muny gowy arzuwlarda, dogrulykda we çagalaryň ideginde gördi.Täze ýyl baýramçylyklarynda maşgalanyň ähli agzalary bilelikde ýygnanýarlar. Türkmenistanyň 110 ýaşly ýaşaýjysy, mähriban Käbämiz Täze ýyl bilen goňşularyny, agzybir halkymyzy gutlap, hemmä saglyk, uzak ömür we abadançylyk arzuw etdi.