Türkmenabatda kik-boks boýunça welaýatyň çempionlygy ugrunda ýaryş geçirildi
Sport mekdebimizde kik-boksing boýunça welaýatyň çempionlygyny gazanmak ugrunda ýaryş geçirildi. Oňa welaýat merkezinden, şeýle-de Dänew we Çärjew etraplaryndan 223 ýaş türgen gatnaşdy.
Duşuşyklar türgenleriň ýaş aýratynlyklaryna görä guralyp, çekeleşikli we gyzgalaňly häsiýete eýe boldy. Umumy netijelere laýyklykda, 85 türgen baýrakly orunlara mynasyp boldy. Baýrakly orunlaryň aglabasyny türkmenabatly türgenler eýeläp, toparlaýyn netijelerde hem öňdeligi sakladylar.
Şäherimiziň 6-njy we 3-nji sport mekdepleriniň türgenleri ussatlyklary bilen eminleriň ýokary bahasyna mynasyp boldular. Şeýle-de, Dänew etrabynyň kik-boksçyları toparlaýyn üçünji orna mynasyp boldy.
