Yslam Ýakubow 2011-nji ýyldan bäri aryçylyk işi bilen meşgullanýar we häzirki wagtda oňa degişli 1,5 müň balary maşgalalary barabardyr. Ol bu möwsümde 4,5–5 tonna arassalanan ary balyny almaklygy meýilleşdirýär. Önümçilikde 10 dürli bal görnüşleri taýýarlanylýar we tebigy tagamynyň ýokary hilli bolandygy sebäpli bu önümlere bolan islegler yzygiderli artýar.

Habarda bellenilişi ýaly, telekeçi önümçiligiň möçberini bir möwsümde 23–25 tonna çenli artdyrmagy meýilleşdirýär.

Kärhana häzirki zaman enjamlary bilen doly üpjün edilendir: bu ýerde önümleri ýuwmak we gaplamak üçin bölümler, taýýar önümler üçin ammarlar, laboratoriýa hem-de goşmaça iş bölümleri hereket edýär. Bu bolsa önümçilik mümkinçiliklerini giňeltmäge we ilata täze önümleri hödürlemäge giň mümkinçilik berýär.

Şeýle hem ýylyň başyndan bäri bu ýerde “Şokoladly” hem-de “Ak” bal önümleriniň öndürilişi ýola goýuldy.