Google o‘zining eng kuchli sun’iy intellekt texnologiyalarining yangi avlodini taqdim etdi
Google sun’iy intellekt yo‘nalishida navbatdagi muhim yangiliklarni taqdim etdi: Gemini 3 Pro modeli va AI agentlari bilan ishlash uchun mo‘ljallangan yangi platforma — Antigravity. Yangiliklar Google AI obunachilariga va ayrim bepul foydalanuvchilarga taqdim etildi.
Gemini 3 Pro: avvalgidan ancha kuchli
Kompaniya ma’lumotlariga ko‘ra, Gemini 3 Pro ko‘plab testlarda Gemini 2.5 Pro modelidan sezilarli ustunlikka ega. Model foydalanuvchining kutilgan javobini emas, to‘g‘ri va aniq ma’lumotni taqdim etishga yo‘naltirilgan.
Qidiruv tizimining AI Mode bo‘limida model alohida menyu orqali ishga tushiriladi. Yaqin orada AQShdagi barcha foydalanuvchilarga taqdim etilishi rejalashtirilgan.
Gemini ilovasidagi yangiliklar
Gemini ilovasida “Thinking” rejimini yoqish orqali kengaytirilgan imkoniyatlar ochiladi. Javob sifati yaxshilandi, Canvas vositalari yanada funksional bo‘ldi. Plus, Pro va Ultra tariflarida esa limitlar kengaytiriladi.
Deep Think — kengaytirilgan tafakkur rejimi
Google Gemini 3 Deep Think rejimini ham taqdim etdi. U Last Exam, GPQA Diamond va ARC-AGI-2 kabi testlarda yuqori natijalar ko‘rsatdi. Hozircha xavfsizlik testchilari uchun ochiq, biroq tez orada Google AI Ultra obunachilariga ham taqdim etiladi.
Antigravity — AI agentlari uchun yangi platforma
Google shuningdek Antigravity platformasini ishga tushirdi. Bu tizim AI agentlariga foydalanuvchi nomidan kodni tekshirish va turli vazifalarni bajarish imkonini beradi. Hoziroq bepul prevyu sifatida foydalanish mumkin.
