Sayatlik “Oq oltin” ustalari 45 sentnerdan ortiq hosil olyapti
Sayat tumanidagi “Chekich” dehqon birlashmasi Lebap viloyatidagi yetakchi xo‘jaliklar qatorida tanilgan. O‘tgan yili ushbu birlashmaning paxtakor fermerlari har gektardan 40–45 sentner hosil olishga erishgan. Xo‘jalikda 6 ta paxtachilik guruhi faoliyat yuritadi va ular o‘rtasida eng mohirlarini aniqlash uchun musobaqa e’lon qilingan.
Hemra Durdiyev boshchilik qilayotgan 2-paxtachilik guruhi o‘tgan yili 150 gektarga ekkan paxtasidan 610 tonna hosil olib, yetakchilikni qo‘ldan bermagan edi. Joriy yilda ham bu guruh oldingi safda bormoqda. Guruhning tajribali fermerlari allaqachon o‘z zimmasiga olgan majburiyatlarini bajarishni boshlashgan. Ular orasida Rozmenli Ovezgeldiyeva ikki terimda 45 sentner hosil olib, ilg‘orlar qatoridan joy oldi. Og‘ulsuray Maxtumova esa o‘zining 2,5 gektar yeridan qariyb 10 tonna “oq oltin”ni Vatan omboriga topshirdi.
Ushbu guruhda 87 nafar tajribali fermer mehnat qilmoqda. Ular “Shor atiz” deb ataladigan hududda yerga ishlov berib, paxta yetishtiradi. Ularning dalasiga nazar solinsa, ko‘ngil quvonadi. “S-2606” navli paxtani ekib, mo‘l hosil olayotgan dehqonlardan har kuni rejani bajarganliklari haqida xushxabarlar kelmoqda. Bu esa dehqon birlashmasining boshqa paxtachilik guruhlarini ham muvaffaqiyat sari ruhlantirmoqda.
