"Turkmenistan" aviakompaniyasi AJ sentyabr oyiga mo‘ljallangan yo‘lovchi reyslarining yangi jadvalini taqdim etdi

1-sentyabrdan boshlab “Turkmenistan” aviakompaniyasi ichki aviaqatnovlarini yangiladi va mamlakatdagi barcha aeroportlarni poytaxt Ashxobod bilan bog‘ladi. Hozirda kompaniyaning Ashxoboddan uchayotgan samolyotlari Turkmanboshi, Balkanabat, Mari, Kerki, Turkmanabat va Dashoguz xalqaro aeroportlariga parvoz qilmoqda.

Avval xabar berilganidek, Turkmanboshi shahriga muntazam parvozlar to‘liq tiklandi. Ashxoboddan bu dengizbo‘yi shahriga va orqaga qatnovlar har kuni amalga oshirilmoqda.

Yangi jadvalga muvofiq, Ashxoboddan Balkanabat, Mari, Turkmanabat, Kerki va Dashoguz shaharlariga ikki tomonlama (borish-qaytish) reyslar amalga oshiriladi.

Yo‘lovchilarga qulaylik yaratish maqsadida aviakompaniya quyidagi yo‘nalishlarda ham ikki tomonlama qatnovlarni taklif qilmoqda: Dashoguz – Balkanabat, Dashoguz – Turkmanabat, Dashoguz – Mari, Turkmanabat – Balkanabat, Mari – Balkanabat, shuningdek, Kerki – Balkanabat.

Parvozlarning to‘liq jadvalini “Turkmenistan” aviakompaniyasining rasmiy veb-saytida ko‘rishingiz mumkin.