Ak Tamda Kriştianu Ronaldu bilen Donald Trampyň duşuşygy geçirildi
Portugaliýanyň milli ýygyndysynyň hem-de Saud Arabystanynyň «Al-Nasr» klubynyň hüjümçisi Kriştianu Ronaldu ABŞ-nyň Prezidenti Donald Tramp bilen Ak Tamda duşuşdy. Bu barada futbolçynyň sosial ulgamlardaky sahypasynda maglumat berildi.
Ak Tamyň metbugat gullugy duşuşykdan wideo ýazgyny paýlaşyp, onuň astyna: «Iki beýik adam. CR7 x 45/47» diýip bellik goýdy. Bu ýerde CR7 — futbolçynyň giňden tanalýan lakamy, 45/47 bolsa Trampyň ABŞ-nyň 45-nji hem-de 47-nji prezident hökmünde geçiren möhletlerini görkezýär.
Ronaldu Saud Arabystanynyň mirasdüşer şazadasy Muhammet ben Salmananyň resmi saparyna bagyşlanan dabaraly agşamlyga gatnaşdy. Futbolçy şol dabara ýörite myhman hökmünde çagyryldy.
40 ýaşly Kriştianu Ronaldu 2023-nji ýyldan bäri «Al-Nasr» toparynda çykyş edýär. Onuň dünýä meşhurlygyna ilki bilen Angliýanyň «Mançester Ýunaýtedi» we Ispaniýanyň «Real Madridi» bilen gazanan üstünlikleri sebäp boldy. Portugaliýaly hüjümçi futbol dünýäniň iň abraýly baýraklarynyň biri bolan «Altyn topuň» bäş gezek eýesi hasaplanýar.
