«Arkadag» futbol topary AFK Çempionlar ligasy – 2 ýaryşynda özbek kluby bilen deňme-deň oýnady
26-njy noýabrda «Arkadag» futbol topary AFK-nyň Çempionlar ligasy 2-niň toparçalaýyn tapgyrynyň bäşinji duşuşygyny geçirdi.
Arkadag şäheriniň futbol kluby özbek topary — «Andijan» bilen myhmançylykda duşuşdy.
«Bobur Arena» stadionynda geçirilen oýun 1:1 hasabynda tamamlandy.
Ilki bilen ýer eýeleri tapawutlandylar. Bu gola hüjümçi Akinade (63-nji minut) awtorlyk etdi.
Şondan bäş minut soň bolsa türkmen topary jogap goluny geçirdi. Şamämmet Hydyrowyň assistinden soň zehinli hüjümçi Didar Durdyýew tapawutlandy
Şondan soň hasap üýtgemedi. Duşuşyk 1:1 hasabynda deňlikde jemlendi.
Jemleýji — altynjy tapgyrda bolsa «Arkadag» futbol kluby Bahreýniň «Al-Haldiýa» kabul eder. Duşuşyk 24-nji dekabrda geçiriler.
