Google iň güýçli emeli aň ulgamlarynyň täze tapgyryny hödürledi

Google emeli aň ulgamyny ösdürmekde nobatdaky möhüm ädimini ädip, täze nesil modelini — Gemini 3 Pro hem-de tapgyrlaýyn işgär hökmünde işleýän AI agentleri üçin niýetlenen täze platforma Antigravity-ni mälim etdi. Kärhanaň maglumatlaryna görä, bu täzelikler ähli Google AI abonentleri hem-de käbir mugt ulanyjylar üçin eýýäm elýeterli edildi.

Gemini 3 Pro: öňki modelden ep-esli güýçli

Google-nyň aýtmagyna görä, täzeden döredilen Gemini 3 Pro öňki nesil Gemini 2.5 Pro-dan birnäçe möhüm barlaglarda has gowy görkeziji görkezýär. Täze modeliň aýratynlygy — ulanyjynyň diňe garaşýan jogabyny däl-de, dogry we anyk maglumatlary bermäge gönükdirilmegi.

Täze model Google gözleginiň AI Mode ulgamynda aýratyn menýu arkaly işjeňleşdirilýär. Kärhana, onuň soraglaryň mazmunyny has anyk seljerýändigini we has interaktiw jogaplary berýändigini belleýär. ABŞ-da ähli ulanyjylar üçin giňden elýeterli etmek duşuşaklaýyn meýilleşdirilýär.

Gemini programmasynda täze mümkinçilikler

Gemini programmasynda «Thinking» režimini saýlamak arkaly Gemini 3 Pro-nyň mümkinçilikleri ulanyjy üçin elýeterli bolýar. Bu täzelenme:

• jogaplaryň hilini ýokarlandyrdy,

• Canvas arkaly döredilýän programmalar üçin funksionallygy giňeltdi.

Google AI Plus, Pro we Ultra tarifleriniň ulanyjylaryna giňeldilen limitler beriljekdigem aýdylýar.

Deep Think: giňeldilen piker alyşma režimi

Google şeýle hem has çuňňur seljeriş üçin niýetlenen Gemini 3 Deep Think diýen ýörite mümkinçilik hödürledi. Bu ulgam birnäçe ýokary derejeli synaglarda — «Soňky adamzadyň synagy», GPQA Diamond we ARC-AGI-2 ýaly testlerde güýçli netijeler görkezdi. Häzirlikçe diňe howpsuzlyk boýunça synagçylara açyk bolan bu mümkinçilik ýakyn günlerde Google AI Ultra abonentleri üçin elýeterli bolar.

Antigravity: täze AI-agentlary üçin döredilen platforma

Täzelikleriň arasynda iň uly üns Antigravity platformasyna berildi. Bu ulgam:

• AI-agentlaryň ulanyjy adyndan kod barlagyny geçirmegine,

• tehniki meseleleri ýerine ýetirmegine,

• gurluşyk işlerini awtomatlaşdyrmagyna mümkinçilik berýär.

Antigravity häzirki wagtda mugt görnüşde, açyk prevýu hökmünde hödürlenýär.