"Eni Türkmenistan Limited" kompaniýasy dürli hünärler boýunça işe kabul edişlik yglan edýär
Türkmenistanyň nebit-gaz pudagynda iş alyp barýan iri halkara kompaniýalarynyň biri bolan "Eni Türkmenistan Limited", özüniň Aşgabatdaky edarasy we Balkanabatdaky (Burun ýatagy) önümçilik bölümleri üçin wagtlaýyn esasda täze hünärmenleri işe çagyrýar.
Hödürlenýän wezipeler we talaplar:
Kompaniýa häzirki wagtda aşakdaky ugurlar boýunça iş orunlaryny hödürleýär:
- IKT infrastruktura inženeri (Aşgabat, 5/2): Maglumat tehnologiýalary boýunça ýokary bilimli, iň az 3 ýyl tejribesi bolan we Microsoft, Cisco, VMware ýaly halkara sertifikatlaryna eýe bolan hünärmenler gözlenilýär.
- OZTBOOS bölüminiň başlygy (Balkanabat, Burun ýatagy, 14/14): Ýokary tehniki bilimli we zähmeti goramak, tehniki howpsuzlyk hem-de daşky gurşawy goramak (HSE) ulgamynda 3 ýyldan az bolmadyk tejribeli hünärmenler kabul edilýär. ISO 45001/14001 sertifikatynyň bolmagy artykmaçlykdyr.
- Meýilleşdiriş hünärmeni (Balkanabat, Burun ýatagy, 5/2): Tehniki hyzmatlary meýilleşdirmek ugrunda azyndan 1 ýyl tejribesi bolan, SAP we MS Office programmalyrny kämil bilýän dalaşgärler üçin niýetlenendir.
- Üpjünçileri dolandyrmak boýunça inžener (Aşgabat, 5/2): Ykdysadyýet, dolandyryş ýa-da hukuk ugrunda ýokary bilimli, satyn alyşlar we üpjünçilik zynjyryny dolandyrmakda 3 ýyl tejribesi bolan hünärmenler çagyrylýar.
Esasy şertler:
Ähli wezipeler üçin dalaşgärleriň türkmen, rus we iňlis dillerini gowy derejede bilmegi hem-de degişli ugur boýunça kompýuter sowatlylygynyň bolmagy esasy talaplaryň biridir.
Ýüz tutmak tertibi:
Gyzyklanma bildirýän dalaşgärler öz terjimehallaryny (rezýume) we bilimi baradaky resminamalaryny 2026-njy ýylyň 22-nji maýyna çenli kompaniýanyň etl.jobs@eni.com elektron salgysyna ugratmalydyrlar. Hat ugradylanda, "Subject" (Tema) bölüminde hödürlenýän wezipäniň adyny anyk görkezmek hökmandyr.
Diňe bellenen talaplara doly laýyk gelýän dalaşgärler saýlanyp, iş söhbetdeşligine çagyrylar.
