Koreýada «Diplomatiýa» žurnalynyň ýörite sany Türkmenistana bagyşlandy

Koreýa Respublikasynyň «Diplomatiýa» žurnalynyň Türkmenistana bagyşlanan ýörite sany çap edildi.

Žurnalyň bu sany Türkmenistanyň ilçihanasy bilen hyzmatdaşlykda taýýarlanyldy we onda ýurduň esasy halkara başlangyçlary, diplomatik işleri hem-de halkara hyzmatdaşlygynyň giňeldilmegi beýan edilýär.

Makalalarda 2025‑nji ýylyň möhüm wakalaryna, şol sanda Türkmenistanyň BMG-niň çäklerindäki başlangyçlaryna, Aşgabatda geçirilen ýokary derejeli halkara forumlaryna we parahatçylygy hem-de ynanyşmagy berkitmäge gönükdirilen Bütindünýä dialoga aýratyn üns berilýär.

Žurnalda türkmen‑koreý gatnaşyklarynyň ösüşine: ýokary derejeli duşuşyklara, resmi saparlara we iki ýurduň arasynda ýola goýlan ilkinji göni ýolagçy gatnawlarynyň açylmagyna hem aýratyn orun berilýär.

Mundan başga-da, neşirde ykdysady, medeni we diplomatik hyzmatdaşlyk barada reportažlar ýerleşdirilendigi barada Türkmenistanyň daşary işler edarasynyň saýtynda habar berilýär.