Milli we döwrebap konditer önümleri: Baýramçylyk saçagynyň esasy bezegi

Şan­ly Ga­raş­syz­ly­gy­my­zyň 35 ýyl­ly­gy­nyň giň­den da­ba­ralan­dy­ryl­jak «Ga­raş­syz, ba­ky Bi­ta­rap Türk­me­nis­tan — be­dew bat­ly at-my­ra­dyň me­ka­ny» ýy­ly­nyň şu gün­le­rin­de Türk­me­nista­nyň Se­na­gat­çy­lar we te­le­ke­çi­ler bir­leş­me­si­niň ag­za­sy Alym Jo­ra­ýe­we de­giş­li kär­ha­na­da tä­ze tort we kon­di­ter önümle­ri­niň önüm­çi­li­gi ýo­la go­ýul­dy. Le­bap we­la­ýaty­nyň Sa­ýat et­ra­byn­da ýer­leş­ýän bu kär­ha­na­nyň ag­zy­bir iş­gär­le­ri hal­ky­myzyň iň uly is­leg bil­dir­ýän süý­jü­lik­le­ri­ni «Her gün» ha­ryt ny­şa­ny bi­len taý­ýarla­ýar­lar. Tä­ze önüm­le­riň eý­ýäm we­la­ýa­tyň söw­da no­kat­la­ry­na ug­ra­dy­lyp baş­lan­ma­gy bu ýer­de iş­le­riň gu­ra­ma­çy­lyk­ly we saz­la­şyk­ly ýo­la goý­lan­dygy­ny tas­syk­la­ýar. Bil­şi­miz ýa­ly, bu kär­hana ýur­du­my­zyň gün­do­gar se­bi­tin­de süýt we süýt önüm­le­ri­niň önüm­çi­li­gi bi­len giň meş­hur­ly­ga eýe bol­dy. Mil­li aş­ha­na­myz­da, aý­ra­tyn-da, kö­kelerdir süý­jü­lik­ler taý­ýar­la­nanda mö­hüm ha­sap­lan­ýan ga­tyk, ke­fir, gaý­mak ýa­ly önüm­ler kär­ha­na­nyň esa­sy ön­dür­ýän ha­ryt­la­ry­dyr. Hä­zir­ki wagt­da bu ýer­de her gün­de sy­gyr süý­dü­niň 2,5 ton­na­sy gaý­ta­dan iş­le­ni­lip, on­dan ýo­ka­ry hil­li do­rag, peý­nir we beý­le­ki süýt önüm­le­ri taý­ýar­la­nyl­ýar. Önüm­çi­lik bö­lüm­le­ri­ne or­naş­dy­ry­lan döwre­bap teh­no­lo­gi­ýa­lar önüm­le­riň ýo­ka­ry hil ta­lap­la­ry­na la­ýyk bol­ma­gy­ny üp­jün ed­ýär. Süýt önüm­le­ri­niň gap­la­ny­ly­şyn­dan baş­lap, tä­ze ýo­la goý­lan tort we kon­di­ter önüm­le­ri­niň taý­ýar­lany­ly­şy­na çen­li äh­li tap­gyr­lar döw­re­bap usul­lar ar­ka­ly ama­la aşy­ryl­ýar. Mu­nuň özi önüm­le­riň aly­jy­la­ra ýo­ka­ry hil­li ýe­ti­ril­me­gi­ne müm­kinçi­lik ber­ýär. — Kär­ha­na­myz­da aras­sa­çy­lyk-sa­ni­ta­riýa düz­gün­le­ri­niň ber­jaý edil­me­gi­ne aý­ra­tyn üns be­ril­ýär. Hü­när­men­le­rimiz ta­ra­pyn­dan her bir taý­ýar­la­nyl­ýan önü­miň dü­zü­mi, ta­ga­my we sakla­nyş möh­le­ti yzy­gi­der­li bar­lag­dan ge­çi­ril­ýär. Biziň mak­sa­dy­myz ha­ryt ny­şa­ny­my­zyň «Her gün» adyn­dan bel­li bol­şy ýaly, her bir maş­ga­la­nyň sa­ça­gy­na el­my­da­ma iň ta­gam­ly, ýo­kum­ly we el­ýe­ter­li önüm­le­ri hödür­le­mek­den yba­rat­dyr — di­ýip, te­le­ke­çi Alym Jo­ra­ýew nyg­ta­ýar. Ýur­du­my­zyň içer­ki sarp ediş ba­zar­la­ry­ny ýerli önüm­ler bi­len do­ly üp­jün et­mek hu­su­sy pu­da­gyň we­kil­le­ri­niň öňün­de dur­ýan esa­sy we­zi­pedir. Şun­dan ugur alyp, te­le­ke­çi gel­jek­de-de tä­ze önüm­ler bi­len müş­de­ri­le­ri be­gen­dir­me­gi mak­sat edin­ýän­di­gi­ni buý­sanç bi­len nyg­taýar hem-de hu­su­sy ul­ga­myň işi­niň iler­le­me­gi üçin giň müm­kin­çi­lik­le­ri dö­re­dip ber­ýän Ar­ka­dag­ly Gah­ry­man Ser­da­ry­my­za hem-de Gah­ry­man Ar­ka­da­gy­my­za tüýs ýü­rek­den sag­bol­sun aýd­ýar.