Ýük daşaýan elektrowelosiped

Fransiýanyň «Decathlon» kompaniýasynyň inženerleriniň öndüren elektrowelosipedleri alyjylaryň ösen islegine eýe boldy. «Btwin E-Three 500» diýlip atlandyrylan bu ulaglaryň esasy aýratynlygy ýük daşamak mümkinçiliginiň ýokarylygydyr. Şeýle-de bu elektrowelosipedleriň doly kuwwatlandyrylan akkumulýatorlaryň güýji 90 kilometre çenli ýoly geçmäge ýetýär. Ýagny olarda sagatda 25 kilometr tizlik bilen 80 kilograma çenli ýükleri daşamak mümkindir. Ýenede şäher içine harytlary eltip bermek üçin niýetlenen bu ulaglarda çagalary mündürmek, uly göwrümli ýükleri we ýantorbalary ygtybarly ýerleşdirmek mümkinçilikleri hem göz öňünde tutulandyr.