Top torly halkada: basketbol baýramçylygy janköýerlere garaşýar
28 — 30-nji noýabrda 3x3 basketbol boýunça Türkmenistanyň çempionaty geçirilýär.
Ajaýyp ýaryşyň duşuşyklaryna tomaşa etmek isleýäňizmi? Onda 28-29-nji noýabrdaky duşuşyklar 14:00 — 19:00 aralygynda geçirilse, 30-njy noýabrda boljak çärýekfinal, ýarymfinal hem-de final duşuşyklary 11:00-da başlanar. Oýunlar Türkmen döwlet bedenterbiýe we sport institutynyň Köpugurly sport toplumynda geçirilýär. Giriş tölegsiz bolar.
Erkekleriň arasyndaky çempionata ýurdumyzyň iň güýçli basketbol toparlarynyň 16-sy gatnaşsa, zenenlaryň bäsleşiklerinde 12 topar çykyş eder. Çempionatlaryň ikisinde hem toparlar 4 toparça bölünerler. Toparçadaky duşuşyklar aýlawlaýyn tertipde geçer.
Ýaryşa belli kompaniýalaryň hemaýatkärlik edýändigini ýatladýarys. Şolaryň hatarynda «Bold» gazlandyrylan içgilerini öndürýän «Ýüpekçi» hojalyk jemgyýeti hem bolar.
Türkmenistanyň Basketbol federasiýasy sportuň «jadyly» görnüşiniň muşdaklaryny ajaýyp çempionatyň duşuşyklaryna tomaşa etmäge çagyrýar.
Halaýan toparyňyza janköýerlik etmek mümkinçiligini elden bermäň!
