Türkmenistanda olimpiýa çempionlaryny taýýarlamak üçin Merkezi Aziýadaky ilkinji dünýä derejeli ylmy merkez hereket edýär
Türkmenistan Merkezi Aziýada ilkinji bolup olimpiýa çempionlaryny taýýarlamak üçin dünýä derejesindäki ylmy-barlag merkezini açmak bilen sporty ylmy ýörelgeler esasynda ösdürýän döwletleriň hataryna goşuldy. Bu barada «МИР 24» habar berdi.
Merkez Türkmen döwlet bedenterbiýe we sport döwlet institutynyň garamagynda hereket edýär. Ol çylşyrymly barlaglary geçirmek üçin iň döwrebap enjamlaryň ählisi bilen üpjün edilendir. Merkez institutyň kafedralary bilen berk hyzmatdaşlykda işleýär, talyplary anyk, obýektiw maglumatlaryň esasynda taýýarlaýar hem-de sport lukmançylygy we biomehanika ugurlary boýunça hünärmenleri taýýarlamaga mümkinçilik döredýär.
Institutyň 3-nji ýyl talyby Enwer Ýangibaýewiň sözlerine görä, bu merkez nusgawy okuw ulgamyny çuňlaşdyrylan seljerme bilen utgaşdyrmaga mümkinçilik berýär.3-nji ýyl talyp Çynar Sabyrowa bolsa bu merkeziň diňe bir okuw däl, eýsem, ylmy iş ugruny hem öz içine alýan 13 bölümi özünde jemleýän giň gerimli toplumdygyny tassyklady.Şunuň bilen birlikde, Türkmenistan geljekki olimpiýa çempionlaryny taýýaralamaga gönükdirilen netijeli tagallalaryny dowam etdirýär.
