NASA va JAXA X-59 sokin ustun tezlikdagi samolyotini muvaffaqiyatli sinovdan o‘tkazdi
NASA va Yaponiyaning kosmik tadqiqot agentligi JAXA mutaxassislari X-59 tajriba samolyotining to‘liq o‘lchamdagi modelini muhim sinovlardan muvaffaqiyatli o‘tkazishdi. Bu sinovlar Yaponiyaning Tyofu shahrida joylashgan JAXA yuqori tezlikdagi aerodinamik trubasida amalga oshirildi.
Sinovlarning asosiy maqsadi — samolyot tomonidan hosil qilinadigan shovqin darajasini o‘lchash bo‘lib, bu uning yer yuzasidagi odamlarga ta’sirini baholashda muhim ahamiyatga ega.
X-59 samolyoti yuqori tezlikda uchish, biroq kuchli ovoz to‘lqini (sonik portlash) hosil qilmaslik uchun maxsus loyihalashtirilgan. Sinovlar uchun asl o‘lchamning 1,62 foiziga teng model ishlatildi va unga 1,4 Mach (taxminan 1488 km/soat) tezlikni simulyatsiya qiluvchi havo oqimlari yo‘naltirildi.
Hozirda X-59 AQShning Kaliforniya shtatidagi Palmdale shahrida yakuniy yer sinov bosqichidan o‘tmoqda.
