Qahva va Bolalar: Qaysi Yoshlardan Ruxsat Etiladi?

Shifokor Vasiliy Plotnikovning so‘zlariga ko‘ra, xalqaro tibbiy tavsiyalarga asoslanib, 14 yoshgacha bo‘lgan bolalarga qahva ichish tavsiya etilmaydi. Bu yoshdagilar uchun kunlik kofein miqdori 50 mg.dan oshmasligi kerak.

14 yoshdan so‘ng esa kofeinning kunlik miqdori 100 mg.gacha yetishi mumkin. Bu bir chashka maydalangan qahva yoki ikki chashka yengil qahvaga teng. Kofeinni me’yoridan ortiq iste’mol qilish o‘smirlarda xavotir, agressivlik, haddan tashqari faollik va bosh og‘rig‘iga olib kelishi mumkin.

Shifokorning ta’kidlashicha, kolaning tarkibida ham kofein mavjud bo‘lib, 14 yoshgacha bo‘lgan bolalarga kuniga 0,33 litrdan ortiq kola ichirish mumkin emas. Shuningdek, ba’zi shirin choylar (masalan, yashil choy) ham kofein saqlashini unutmang.

Energetik ichimliklar esa – odatda bir bankada 150 mg.dan ortiq kofein bo‘ladi – 18 yoshgacha bo‘lganlar uchun qat’iyan taqiqlangan.