Shifokor erkaklar va ayollarda o‘pka saratonining alomatlaridagi farqlarni tushuntirdi

Onkolog Andrey Nefedovning aytishicha, ayollarda o‘pka saratoni orqa va yelka og‘rig‘i bilan namoyon bo‘lishi mumkin. Ayollarda o‘sma ko‘pincha o‘pkaning tashqi qirralarida rivojlanadi, bu esa ko‘krakda, orqada, yelkada va bo‘yinda og‘riqqa sabab bo‘ladi. Erkaklarda esa kasallik ko‘proq yo‘tal, qon ketishi va nafas yo‘llari infeksiyalari bilan namoyon bo‘ladi.

Mutaxassisning ta’kidlashicha, bu farqlar o‘smalarning turiga bog‘liq: ayollarda adenokarsinoma ko‘proq uchrasa, erkaklarda yassi hujayrali va kichik hujayrali saraton ko‘proq rivojlanadi.

“Yassi va kichik hujayrali saratonda o‘smalar katta nafas yo‘llari atrofida o‘sadi, shu sababli erkaklarda yo‘tal, qon ketishi va infeksiyalar ko‘proq kuzatiladi,” — dedi Nefedov.

Adenokarsinomada esa alomatlar aniq bo‘lmaydi.
“O‘smalar odatda o‘pkaning tashqi chetlarida o‘sadi, bu esa ko‘krak, orqa, yelka va bo‘yin og‘rig‘iga olib keladi,” — deya qo‘shimcha qildi shifokor.

U shuningdek, o‘pka saratonining alomatlari aniq emasligini, ular pnevmoniya, surunkali bronxit, astma yoki sil kabi boshqa kasalliklarni eslatishi mumkinligini aytdi.
“Bundan tashqari, o‘pka saratoni ko‘pincha kech bosqichlargacha o‘zini namoyon etmaydi,” — dedi mutaxassis.