Dubaýda dünýäniň iň beýik myhmanhanasy açyldy
Dubaýda (BAE) täze gurlan Ciel Dubai Marina skyscraper-myhmanhanasynyň dabaraly açylyşy geçirildi. Binanyň beýikligi 377 metr bolup, ol dünýäniň iň beýik myhmanhanasy hökmünde resmi taýdan ykrar edildi. Mundan ozal iň beýik myhmanhana diýip hasaplanylýan Gevora Hotel bu rekordy Ciel-e tabşyrdy.
Taslamanyň gurluşygyny «The First Group» kompaniýasy amala aşyrdy, binanyň arhitektura çözgütleri bolsa halkara derejesindäki NORR Group tarapyndan işlenip düzülipdir. Taslama Hytaýyň «China Railway 18th Bureau Group» gurluşyk topary bilen hyzmatdaşlykda ýerine ýetirilipdir.
Myhmanhanada 1004 otag we aýratyn lýuks otaglar hem bar. Olaryň ählisinden hem meşhur Palma Jumaira adasyna we Dubaý-Marina etrabyna ajaýyp panorama açylýar.
Ciel Dubai Marina birnäçe dünýä rekordyny hem goýdy:
-
Tattu Sky Pool ady bilen 76-njy gatda ýerleşýän basseýin dünýäde iň beýik basseýin boldy.
-
Basseýin ýörite «ini gaçýan» görnüşde taslanyp, müňýyllyk suw bilen asman çäginiň birleşýän ýaly täsirini döredýär.
-
81-nji gatdaky Tattu Sky Lounge dünýäniň iň beýik kluby bolmaga dalaş edýär.
Bu täze myhmanhananyň açylmagy Dubaýyň syýahatçylyk pudagyny giňeltmek strategiýasynyň bir bölegidir. 2024-nji ýylda şäher 17 milliondan köp daşary ýurtly myhman kabul edip, dünýäniň öňdebaryjy syýahatçylyk merkezleriniň biri hökmünde ornuny berkitdi.
