Porsche ilkinji gezek elekrtik wersiýaly Cayenne modellerini görkezdi
Porsche elektrikli iki sany krossower görnüşini tanyşdyrdy. Cayenne Turbo Electric wersiýasy – bu brendiň taryhynda öndürilen iň güýçli seriýaly awtomobilidir. Awtomobil öndürijisi Porsche täze elektrikli krossower – Cayenne Electric modelini görkezdi. Model iki tigirden-tigir çekişli görnüşde çykarylar: Cayenne Electric we Cayenne Turbo Electric.
Baza wersiýasy 0–100 km/sag tizlige 4,8 sekundda ýetýär, onuň iň ýokary tizligi bolsa 230 km/sag. Modeliň güýji tertipden baglylykda 403–436 at güýjüne çenli ýetýär.
Flagman krossoweri 0–100 km/sag tizlige bary-ýogy 2,5 sekundda ýetýär. Onuň iň ýokary tizligi 260 km/sag. Cayenne Turbo Electric adaty tertipde 857 at güýjüni berýär, ýörite Push-to-Pass ulgamy bolsa güýji diýen ýaly 1 140 at güýjüne çenli artdyrmaga mümkinçilik berýär. Kompaniýa bu modeli Porsche taryhynyň iň güýçli awtomobili diýip yglan etdi.
Her iki model hem 113 kWt⋅s kuwwatly batareýalar bilen enjamlaşdyrylan. Cayenne Electric bir zarýad bilen 642 kilometre çenli, Turbo wersiýasy bolsa 623 kilometre çenli ýol geçip bilýär. Iki model hem simsiz zarýad bermek funksiýasy bilen üpjün edildi — Porsche bu mümkinçilikden ilkinji gezek peýdalanýar.
Cayenne Electric we Cayenne Turbo Electric eýýäm öňünden sargyt edip bolýar. Baza wersiýasynyň bahasy 111,35 müň ABŞ dollaryndan, flagman wersiýasynyň bahasy bolsa 165,35 müň dollardan başlanýar. Kompaniýanyň aýdmagyna görä, goýberiliş 2026-njy ýylyň ýaz aýlarynda başlanar.
