Jakarta — häzirki wagtda dünýäniň iň uly megapolisidir

Soňky ýyllyk Birleşen Milletler Guramasynyň «World Urbanization Prospects 2025» hasabatyna laýyklykda, Indoneziýanyň paýtagty Jakarta (şäher we onuň giňdirilen şäher-ýaka zolagy bilen birlikde) ilat sany boýunça dünýäde birinji orny eýeledi. Agromerasiýa boýunça ýaşaýjylaryň sany 42 million adama ýetdi — bu görkeziji şäheri dünýäniň iň köp ilatly megapolisine öwürdi.

Öňki lider Tokio bolsa häzirki wagtda diňe üçünji ýerde durýar — ilaty takmynan 33–34 million.
Ikinji ýerde — Bangladeşiň paýtagty Dakka, onuň ilaty 37 million töwereginde.

Bilermenleriň pikirine görä, häzirki dünýä derejesindäki ösüşe aşakdaky sebäpler sebäp boldy:

1. Urbanyzasiýanyň örän çalt dowam etmegi — giň zolaklardan we sebitlerden adamlar iş, bilim, infrastruktura üçin Jakarta tarap göçýärler.

2. Agromerasiýanyň giňeldilmegi — şäher bilen baglanyşykly kenar-ýaka etraplaryň hem hasaba alynmagy ilat sanyny hakyky derejede görkezýär.

3. Ösen ýurtlarda demografik paýlaşma — Ýaponiýada ilat garraýar, tebigy ösüş pes, emma Indoneziýada bu görkeziji boýunça çalt ösýär.

Şeýlelikde, Jakarta indi diňe Aziýanyň däl, eýsem bütin dünýäniň iň uly şäheri diýlip resmi taýdan yglan edildi.

BMG-nyň maglumatlaryna görä:

• Dünýädäki megapolisleriň (10 mln+ ilat) sany 1975-den 2025-e çenli 8-den 33-e ýetdi;

• 2050-nji ýyla çenli dünýä ilatynyň 70%-den gowragy şäherlerde ýaşaýar diýip çaklanylýar;

• Şäherleriň ösmegi indi diňe sebitleýin däl — umumydünýä tendensiýasyna öwrüldi.

Indoneziýa hökümeti şäherdäki demografik basyşy azaltmak üçin täze paýtagt Nusantara gurulýandygyny tassyklady.