OnePlus ilkinji bolup Snapdragon 8 Gen 5 prosessorly Ace 6T modelini görkezdi
OnePlus kompaniýasynyň prezidenti Li Sze Luis Hytaý bazary üçin niýetlenen täze OnePlus Ace 6T smartfonyny resmi däl görnüşde tanyşdyrdy. Bu enjam soňra halkara bazarlarda OnePlus 15R ady bilen peýda bolar.
Model häzirlikçe resmi web sahypada peýda bolmady, ýöne GSM Arena çeşmesi onuň tehniki aýratynlyklary, ýokary hilli suratlary we ähli möhüm maglumatlary paýlaşdy. Ýakyn wagtda doly resmi tanyşdyrylyş hem geçiriler diýip garaşylýar.
Esasy aýratynlyklary
Dünýäde ilkinji bolup täze Snapdragon 8 Gen 5 mobil platformasy ulanyldy. Qualcomm bu prosessory entek resmi taýdan hem çykarmady.
6,7 dýuým 1,5K çözgütli 165 Hz AMOLED ekran — ýokary durulyk we oýunlar üçin iň amatly görkeziji.
Ekranyň aşagynda ultrases barlagly barmak yzy skaneri ýerleşdirilen.
Esasy kamera: 50 MP + 8 MP, öňki kamera — 32 MP.
Giňeldilen öňki kamerasyny ulanyşy boýunça flagman OnePlus 15 bilen deň.
Äpet göwrümli 8000 mA·s akkumulýator we 100 W çalt zarýad.
Suw we tozana garşy IP69K goragy — häzirki wagtda iň ýokary synplaryň biri.
Reňkleri: gara, ýaşyl salat we fiolet.
Bahasy barada maglumat ýok
Täze model barada giňişleýin maglumat we satuwa çykarylyş senesi entek resmi taýdan berilmedi. Emma maglumatlara görä, enjam gaty güýçli tehniki aýratynlyklary bilen öz segmentinde ýene-de güýçli bäsdeş bolmaga taýýarlanyp dur.
