Türkmenistanyň Prezidenti Gazagystanyň «Altyn Kyran» ordeni bilen sylaglandy
Şu gün Gazagystanyň Prezidenti Kasym-Žomart Tokaýew Astanada saparda bolýan Türkmenistanyň Prezidenti Serdar Berdimuhamedowa türkmen-gazak gatnaşyklaryny pugtalandyrmaga uly goşandy üçin Gazagystan Respublikasynyň ýokary döwlet sylagy — «Altyn Kyran» («Altyn bürgüt») ordeni gowşurdy. Bu barada gazak Lideriniň Metbugat gullugy habar berýär.
Türkmenistanyň Prezidenti Gazagystanyň ýokary döwlet sylagynyň gowşurylmagynyň türkmen halkyna bildirilen hormatyň nyşanydygyny belledi.
Ýeri gelende bellesek, 2022-nji ýylda VI Hazar sammitine gatnaşmak üçin Türkmenistana iş sapary bilen gelen Gazagystan Respublikasynyň Prezidenti Kasym-Žomart Tokaýew Türkmenistanyň Halk Maslahatynyň Başlygy Gurbanguly Berdimuhamedow bilen duşuşdy. Onuň barşynda türkmen halkynyň Milli Liderine türkmen-gazak gatnaşyklaryny pugtalandyrmaga uly goşandy üçin Gazagystan Respublikasynyň ýokary döwlet sylagy — «Altyn Kyran» («Altyn bürgüt») ordeni gowşurylypdy.
