AQSh Turkmanistonga nisbatan yangi viza talabini joriy etmoqda: 2026-yildan “viza bondi” qo‘llaniladi
AQSh Davlat departamenti tomonidan qabul qilingan yangi qarorga ko‘ra, Turkmaniston fuqarolari Visa Bond (viza uchun kafolat puli) talab qilinadigan mamlakatlar ro‘yxatiga kiritildi. Ushbu qoida 2026-yil 1-yanvardan kuchga kiradi.
Yangi talab AQSh Immigratsiya va fuqarolik to‘g‘risidagi qonunning (INA) 221(g)(3) moddasiga hamda Vaqtinchalik yakuniy qoida (Temporary Final Rule — TFR) orqali joriy etilgan sinov dasturiga asoslanadi. Qaror AQSh Ichki xavfsizlik departamenti (DHS) tomonidan B1/B2 vizalari bo‘yicha berilgan muddati buzilishi (overstay) statistikalariga tayangan.
Turkmaniston fuqarolari uchun nimalar o‘zgaradi?
Turkmaniston pasportiga ega bo‘lib, B1/B2 (sayohat va ish) vizasiga munosib deb topilgan arizachilar:
-
5 000, 10 000 yoki 15 000 AQSh dollari miqdorida viza bondini to‘lashi kerak;
-
bond miqdori viza suhbatida konsul tomonidan belgilanadi;
-
DHS Form I-352 to‘ldirilishi shart;
-
to‘lov faqat AQShning rasmiy pay.gov platformasi orqali amalga oshiriladi.
Viza bondining to‘lanishi vizaning majburiy berilishini anglatmaydi. Konsul ko‘rsatmasisiz amalga oshirilgan to‘lovlar qaytarilmaydi.
Majburiy kirish va chiqish aeroportlari
Viza bondi to‘lagan arizachilar AQShga faqat quyidagi aeroportlar orqali kirib-chiqishi shart:
-
Boston Logan xalqaro aeroporti (BOS)
-
Jon F. Kennedi xalqaro aeroporti, Nyu-York (JFK)
-
Vashington Dalles xalqaro aeroporti (IAD)
Ushbu talabga rioya qilinmasa, AQShga kirish rad etilishi yoki chiqish ma’lumotlari qayd etilmasligi mumkin.
Viza bondi buzilsa nima bo‘ladi?
AQSh Ichki xavfsizlik departamenti (DHS) bond shartlari buzilgan deb gumon qilinsa, ishni USCIS ga yuboradi. Bunga quyidagilar kiradi:
-
ruxsat etilgan muddatdan keyin AQShni tark etish;
-
ruxsat etilgan muddatdan oshib ketib chiqmaslik;
-
noimmigrant maqomidan chiqish, jumladan siyosiy boshpana (asylum) so‘rash.
