Turkmaniston Prezidenti Qozog‘iston Respublikasi Prezidentini tabrikladi
Turkmaniston Prezidenti Serdar Berdimuhamedov Qozog‘iston Respublikasi Prezidenti Qosim-Jo‘mart To‘qayevni hamda mamlakatning barcha xalqini Qozog‘iston Respublikasining Mustaqillik kuni munosabati bilan chin dildan tabrikladi.
Davlat rahbarining maktubida ta’kidlanishicha, mustaqil taraqqiyot yillarida Qozog‘iston davlat boshqaruvini takomillashtirish va xalq farovonligini oshirish yo‘lida katta ishlarni amalga oshirdi. Bugungi kunda qo‘shni do‘st mamlakat turli sohalarda o‘zining ulkan salohiyatini ro‘yobga chiqarib, ishonch bilan oldinga siljimoqda.
“Davlat tashrifim doirasida mamlakatingizga bo‘lgan safarim chog‘ida Ostona shahrida bo‘lib o‘tgan uchrashuvimizni iliq tuyg‘ular bilan eslayman. Muzokaralar davomida namoyon bo‘lgan ochiqlik va o‘zaro ishonchning yuqori darajasi Turkmaniston bilan Qozog‘iston Respublikasi o‘rtasidagi strategik hamkorlikni yanada mustahkamlashga bo‘lgan tomonlarning qat’iy intilishini yaqqol ko‘rsatdi”, — dedi Turkmaniston Prezidenti.
Fursatdan foydalanib, davlat rahbari Prezident Qosim-Jo‘mart To‘qayevga mustahkam sog‘liq, baxt-saodat va mas’uliyatli faoliyatida muvaffaqiyatlar, Qozog‘iston Respublikasining birodar xalqiga esa tinchlik, yanada taraqqiyot va ravnaq tiladi.
