Qozog‘iston turkman sabzavotlarini «yashil yo‘laklar» orqali tezlashtirib olib kiradi
Qozog‘iston ichki bozorga turkman sabzavotlarini yetkazib berishni jadallashtirmoqchi. Bosh vazir o‘rinbosari – milliy iqtisodiyot vaziri Serik Jumangarin chegara o‘tkazish punktlarida qisqa muddatda «yashil yo‘laklar» tashkil etish bo‘yicha topshiriq berdi.
Mazkur qaror hududlarni pomidor va bodring bilan barqaror hamda tezkor tarzda, qulay narxlarda ta’minlashga qaratilgan. Bu haqda shanba kuni Qozog‘iston Bosh vaziri matbuot xizmati xabar berdi.
Joriy yilda turkman pomidorlari importi 30 ming tonnadan oshdi, bu esa ularni Turkmanistondan keltiriladigan mahsulotlar tarkibida ikkinchi o‘ringa olib chiqdi.
Joriy yilning to‘qqiz oyida Turkmaniston va Qozog‘iston o‘rtasidagi qishloq xo‘jaligi mahsulotlari savdo aylanmasi 103 million AQSh dollariga yetdi. Bu ko‘rsatkich o‘tgan yilning shu davriga nisbatan 37,5 foizga ko‘p.
