Olimlar jigar va ichakni to‘liq tiklash usulini topdilar
UC Davis Health tadqiqotchilari ichakdagi foydali Lactobacillus bakteriyalari tomonidan ishlab chiqariladigan molekulaning jigarga yetgan zararlarni tiklash va ichak devorlarini sog‘lomlashtirish xususiyatiga ega ekanini aniqladilar. Bu yangilik mBio jurnalida e’lon qilindi.
Bu modda — 10-gidroksi-sis-12-oktaadetsen kislotasi (10-HSA) deb ataladi. Kalit sinovlarda, xususan sichqonlar ustida olib borilgan tajribalarda bu molekula aflatoksin B1 tomonidan chaqirilgan jigardagi va ichakdagi shikastlanishlarni to‘liq bartaraf etdi. Ichak devorlari tiklandi, safro kislotalari me’yorga keldi, jigar funksiyalari yaxshilandi va ichakdagi immun tizimi barqarorlashdi.
10-HSA organizmdagi PPARα oqsilini faollashtiradi. Bu oqsil yog‘ almashinuvini tartibga soladi va bu molekula sintetik dorilarga xos bo‘lgan salbiy ta’sirlarsiz ishlaydi.
Olimlar bu moddaga asoslangan xavfsiz biologik qo‘shimcha ishlab chiqish mumkinligiga umid qilmoqda. Bu qo‘shimcha, ayniqsa, oziq-ovqat mahsulotlarida aflatoksin ifloslanishi xavfi yuqori bo‘lgan hududlarda jigar kasalliklarining oldini olish va davolashda foydali bo‘ladi.
Keyingi qadam — bu moddaning odamlar, xususan, yog‘li jigar kasalligi va metabolik buzilishlar bo‘lgan bemorlardagi samaradorligini sinash uchun klinik tadqiqotlarni boshlash.
Bu kashfiyot mikrobiomga asoslangan yangi, aniq va xavfsiz davolash uslublarining yo‘lini ochishi mumkin.
