Yapon olimlari sigirlarni zebra chiziqlari bilan bo‘yagani uchun Shnobel mukofotini olishdi
Yapon olimlari hayvonlarning tanasidagi qora-oq chiziqlarning himoya xususiyatlarini ochgani uchun biologiya sohasida Shnobel mukofotiga sazovor bo‘ldi. Bu haqida «Ig Nobel Prize» rasmiy sayti va «Gazeta.ru» xabar berdi.
Yaponiya Milliy qishloq xo‘jaligi va oziq-ovqat tadqiqotlari tashkilotining xodimi Tomoki Kodzima «Qon so‘ruvchi chumolilar va chivinlar zebra kabi qora-oq chiziqlar chizilgan sigirlarga kamroq hujum qilayotganini isbotlaganimiz uchun ushbu mukofotni olganimizdan juda xursandmiz» dedi.
2019 yil oktabrida Kodzima rahbarligidagi olimlar o‘zlarining noodatiy ilmiy tadqiqot natijalarini e’lon qilishdi. Tadqiqotda tanasiga zebra kabi himoya chiziqlari chizilgan sigirlarga chivinlar va qoqsinlar kamroq hujum qilayotgani aytiladi. Bir necha yil oldin Britaniya olimlari ham shunday qiziqarli kashfiyot qilganlari qayd etilgan, ular zebra chiziqlari hasharotlarga tanadagi xavfli zonalarni aniqlashga xalaqit berishini aniqlashgan. Sigir tanasiga chiziqlar chizilishi uni qon so‘ruvchilarning bezovta qiluvchi chaqishlaridan himoya qilishga yordam beradi.
Olimlar tajriba vaqtida oq sigirlarga qora, qora sigirlarga esa oq chiziqlar chizishdi va chivinlarning hujum chastotasini hisoblashdi. Natija hayratlanarli bo‘ldi: sigir tanasiga qo‘nadigan qoqsinlar soni ikki barobar kamaydi. Ilmiy tadqiqot mualliflari bu usul fermerlar uchun foydali bo‘ladi, deb hisoblashadi.
