Türkmenistan bilen Özbegistan paýtagtlaryň arasynda göni howa gatnawlaryny dikeltmegi ylalaşdylar

Noý 26, 2025 - 18:43
Türkmenistan bilen Özbegistan paýtagtlaryň arasynda göni howa gatnawlaryny dikeltmegi ylalaşdylar

Türkmenistan we Özbegistan Aşgabat bilen Daşkent şäherleriniň arasynda göni halkara howa gatnawlaryny täzeden ýola goýmaklygy ylalaşdylar. Bu çözgüt Türkmenistanyň Prezidenti Serdar Berdimuhamedow bilen Özbegistanyň Prezidenti Şawkat Mirziýoýewiň duşenbe güni Daşkentde geçiren giňişleýin düzümdäki gepleşikleriniň dowamynda makullandy.

Taraplar Türkmenbaşydaky halkara deňiz portuny bilelikde ösdürmek meselelerini hem-de energetika ulgamy boýunça iri bilelikdäki taslamalary — şol sanda geljegi uly känleri özleşdirmek boýunça hyzmatdaşlygy — ara alyp maslahatlaşdylar. Bu barada Özbegistanyň Prezidentiniň resmi metbugat gullugy habar berýär.

Söwda-ykdysady gatnaşyklar bilen birlikde saglygy goraýyş we lukmançylyk ylmy boýunça gatnaşyklary işjeňleşdirmek meselesine aýratyn üns berildi.

Gepleşikleriň netijesinde döwlet Baştutanlary gazanylan ähli ylalaşyklary durmuşa geçirmek boýunça giň gerimli “ýol kartasyny” taýýarlamak barada degişli tabşyryklary berdiler.