Türkmenistanyň Inžener - tehniki we ulag kommunikasiýalar instituty 2025/2026 okuw ýylyna dalaşgärleri çagyrýar

TÜRK­ME­NIS­TA­NYŇ IN­ŽE­NER-TEH­NI­KI WE ULAG KOM­MU­NI­KA­SI­ÝA­LA­RY INS­TI­TU­TY

2025/2026-njy okuw ýyly üçin aşakdaky hünärler (hünärmen maksatnamasy) we taýýarlygyň ugurlary  (bakalawr maksatnamasy) boýunça talyplyga kabul edýär:

I. Hünärmen maksatnamasy:

1. Gurluşygyň tehnikasy we tehnologiýalary (hünärler: awtomobil ýollarynyň, köprüleriň we tunnelleriň gurluşygy, ulanylyşy we tehniki taýdan abatlanylyşy; demir ýollarynyň gur­lu­şy­gy, ýol we ýol ho­ja­ly­gy; in­že­ner ul­gam­la­ry we torlary; ýaşaýyş jaý hojalygy we jemagat infrastrukturasy).

2. Binagärlik (hünär: landşaft dizaýny).

3. Elektrik we ýylylyk energetikasy (hünär: elektrik üpjünçiligi).

4. Tehnosfera howpsuzlygy we tebigaty abadanlaşdyryş (hünär: tehnosfera howpsuzlygy).

5. Ýerüsti ulaglaryň tehnikasy we tehnologiýalary (hünärler: awtomobiller we awtomobil hojalygy; awtomobil ulagynda gatnawlary guramak we dolandyrmak; lokomotiwler; wagonlar;  demir ýol ulagynda gatnawlary guramak we hereketi dolandyrmak; portlaryň we ulag menzilleriniň ýükleýiş-düşüriş  enjamlarynyň ulanylyşy; demir ýollaryň elektrik üpjünçiligi;  demir ýol ulaglarynda ýükleri daşamagy guramak; demir ýol ulagynyň gatnawyny awtomatlaşdyrmak we habardar etmek).

 6. Gämi gurluşygynyň we suw ulaglarynyň tehnikasy we tehnologiýalary (hünärler: gämi sürmeklik; gämileriň energetiki  desgalarynyň ulanylyşy; gämi gurluşygy).

II. Bakalawr maksatnamasy

1. Gurluşygyň tehnikasy we tehnologiýalary (taýýarlygyň ugry: gozgalmaýan emläkleriň ekspertizasy we dolandyrylyşy).

2. Ýerüsti ulaglaryň tehnikasy we tehnologiýalary (taýýarlygyň ugry: ýerüsti ulag-tehnologiki serişdeler).

3. Maşyngurluşyk (taýýarlygyň ugry: önümçiligiň we tehnologiýa prosesleriniň awtomatlaşdyrylyşy).

4. Informatika we hasaplaýyş tehnikasy (taýýarlygyň ugurlary:  maglumat ulgamlary we tehnologiýalary; sanly infrastruktura we kiberhowpsuzlyk).

5.Ykdysadyýet we dolandyryş (taýýarlygyň ugurlary: ulag  pudagynyň ykdysadyýeti we dolandyrylyşy; buhgalterçilik  hasaba alnyşy we audit; logistika (ulag pudagynda).

6. Aeronawigasiýa we awiasiýa hem-de raketa-kosmiki tehnikalaryny ulanmak (taýýarlygyň ugurlary: howa hereketiniň  dolandyrylyşy; howa ulagynda gatnawlary guramak we  dolandyrmak; uçuş apparatlarynyň we hereketlendirijileriň  tehniki ulanylyşy; howa gämileriniň awiasiýa we radioelektron enjamlarynyň tehniki ulanylyşy).

Institutda okuwlar tölegli esasda alnyp barylýar.

Instituta umumy orta bilimden pes bolmadyk binýatda bilimi  bolan, ýaşy 35-den geçmedik Türkmenistanyň raýatlary giriş synaglarynyň netijeleri boýunça bäsleşik esasynda kabul edilýär.

Resmi iş kagyzlary welaýat merkezlerinde we Aşgabat şäherinde (Aşgabat we Arkadag şäherleri boýunça) 2025-nji ýylyň  14 — 27-nji iýuly aralygynda kabul edilýär.

Taýýarlygyň aeronawigasiýa we awiasiýa hem-de raketa-kosmiki tehnikalaryny ulanmak ugruna okuwa girýänler  uçu­jy-dis­pet­çer we in­že­ner-teh­nik wezipelerinde iş­le­ýän­ler üçin niýetlenen Gollanmanyň düzgünlerine laýyklykda lukmançylyk  barlagyndan geçýärler.

Resmi iş kagyzlarynyň sanawy:

— bellenilen nusgada rektoryň adyna ýazylan arza;

— bellenilen nusgadaky sowalnama (anketa);

— bilimi baradaky resminama (asyl nusgasy);

— Türkmenistanyň Saglygy goraýyş we derman senagaty ministrligi tarapyndan bellenilen nusgadaky saglyk kepilnamasy;

— soňky okan ýerinden (işlän ýerinden, harby bölümden) häsiýetnama;

— 3x4 sm ölçegdäki sekiz sany fotosurat;

— işleýänler üçin zähmet depderçesiniň tassyklanan göçürmesi;

— okuw dersleri boýunça mekdep okuwçylarynyň döwlet  bäsleşiginiň ýeňijileri, halkara bäsleşiklere gatnaşan Türkmenistanyň ýygyndy toparynyň agzalary şol ýagdaýlary tassyklaýan  degişli resminamanyň asyl nusgasyny tabşyrýarlar.

Bulardan başga-da, okuwa girmäge isleg bildirýänler ýokarda  görkezilen resminamalar bilen birlikde, resminamalary kabul edýän  iş toparyna aşakdakylary görkezýärler we nusgalaryny tabşyrýarlar:

— pasportyny;

— harby şahadatnamasyny ýa-da harby hasaba goýlandygy hakynda şahadatnamasyny.

Dalaşgär bäsleşiksiz okuwa kabul edilmek üçin artykmaç hukukdan peýdalanýandygyny tassyklaýan beýleki resminamalary  görkezip biler.

Nädogry berlen maglumatlar we galp resmi iş kagyzlary üçin  dalaşgär şahsy jogapkärçilik çekýär.

Giriş synaglary we okuwa kabul edilmek institutda (Aşgabat ş.) aşakdaky möhletlerde geçirilýär:

Aşgabat we Arkadag şäherleri — iýul aýynyň 30-31-i, awgust aýynyň 2-si we 4-i günleri;

Daşoguz welaýaty — awgust aýynyň 1-i, 3-i we 5-i günleri;

Ahal welaýaty — awgust aýynyň 3-i, 5-i we 7-si günleri;

Balkan welaýaty — awgust aýynyň 6-sy, 8-i we 9-y günleri;

Lebap welaýaty — awgust aýynyň 10-y, 12-si we 14-i günleri;

Mary welaýaty — awgust aýynyň 11-i, 13-i we 14-i günleri.

Giriş synaglary aşakdaky okuw dersleri boýunça geçirilýär:

hünär: landşaft dizaýny — surat we grafika, matematika,

Türkmenistanyň taryhy;

beýleki hünärler: matematika, fizika, Türkmenistanyň taryhy.

Okuw dersleri boýunça giriş synaglary Türkmenistanyň orta  mekdepleriniň okuw maksatnamalarynyň esasynda, döwlet dilinde dilden geçirilýär.

Giriş synaglarynyň tertibinde bellenilen wagtda synaglara  esassyz sebäplere görä gelip bilmedikler ýa-da okuw dersleriniň biri boýunça synagdan geçip bilmedikler soňky synaglara goýberilmeýär.

Giriş synaglaryndan üstünlikli geçen ýagdaýynda, bäsleşiksiz we talyplyga kabul edilmek üçin artykmaç hukukdan «Bilim hakynda» Türkmenistanyň Kanunynyň rejelenen görnüşinde  kesgitlenen düzgünlere laýyk gelýän dalaşgärler peýdalanýarlar.

Türk­me­nis­ta­nyň In­že­ner-teh­ni­ki we ulag

kommunikasiýalary institutynyň salgysy:

Aşgabat ş., Büzmeýin etraby, Senagat köçesi, 51,

tel.: 39-26-47, 39-26-48, 39-26-57.