Saudiya Arabistoni Ka’ba yonida suratga olishni va 12 yoshgacha bo‘lgan bolalarga hajni taqiqladi
Saudiya Arabistoni rasmiylari Masjidul Harom ichida, jumladan Ka’ba atrofi hududida foto va video suratga olishni taqiqladi. Bu cheklov hozirgi haj va umra mavsumida allaqachon amalda.
Mobil telefonlar, fotoapparatlar va videokameralardan foydalanish taqiqlanadi. Rasmiy bayonotlarda aytilishicha, bu choralar ziyoratchilarning shaxsiy makonini saqlash, ibodat va hurmat muhitini qo‘llab-quvvatlash, muqaddas joyning selfi va turistik faollik ob’yektiga aylanib ketishining oldini olish, shuningdek ibodat qiluvchilarga ibodatga to‘liq jam bo‘lish imkonini berish maqsadida joriy etilgan.
Qoidabuzarlik qilgan ziyoratchilar qurilmalarining olib qo‘yilishi va muqaddas joylarda xavfsizlik choralarining qo‘llanishi haqida ogohlantirildi.
Shuningdek, 2026-yildan boshlab 12 yoshgacha bo‘lgan bolalarga haj qilish taqiqlanadi. Rasmiy ma’lumotlarda aytilishicha, 50°C issiq, ko‘p odamlar va kilometrlar bo‘ylab piyoda yurish — kichik bolalar uchun bu ziyorat emas, balki xavf hisoblanadi.
