Turkmaniston Xalq Maslahatining Raisi BMT Bosh Kotibi bilan uchrashdi
Oldin xabar qilinganidek, Birlashgan Millatlar Tashkiloti Bosh Kotibi Antoniu Guterresh dengizga chiqish imkoniyati bo‘lmagan rivojlanayotgan davlatlar bo‘yicha BMTning uchinchi xalqaro maslahatida ishtirok etish maqsadida Turkmanistonga keldi.
Turkmanboshidagi xalqaro aeroportda oliy martabali mehmonni Turkmaniston Xalq Maslahatining Raisi Gurbanguli Berdimuhamedov samimiy kutib oldi. Milliy yetakchi BMT Bosh Kotibini tabriklab, uni Turkmaniston yurtida ko‘rganidan mamnun ekanligini bildirdi.
O‘z navbatida, Antoniu Guterresh bu xalqaro forum — butun insoniyat manfaatlariga oid muhim masalalarning muhokama qilinadigan maydoni — Turkmanistonda o‘tkazilayotganligi va unda ishtirok etish uning uchun katta sharaf ekanligini ta’kidladi.
«Watan» axborot dasturining xabar berishicha, BMT Bosh Kotibi forumni o‘tkazish uchun yaratilgan imkoniyatlar va berilayotgan keng qo‘llab-quvvatlash uchun Turkmaniston Prezidenti va Xalq Maslahatining Raisiga minnatdorlik bildirdi.
Hazar dengizi Turkmaniston qirg‘og‘ida o‘tkazilayotgan ushbu xalqaro forumda, jahon iqtisodiyotining muhim yo‘nalishlari bo‘yicha masalalar kun tartibiga qo‘yiladi. Shuningdek, bu sohada mavjud vazifalarni muvaffaqiyatli bajarish yo‘llari va qoidalari belgilab olinadi.
