Xalq salomatligini himoya qilishda

Maʼlumki, 2016-yilda Gahryman Arkadagymyz (Qahramon Arkadagymyz) tomonidan berilgan ruxsat bilan Jamoat salomatligi va oziq-ovqat markazi ochilib, foydalanishga topshirilgan edi. Ushbu markaz Davlat gigiyena va yuqumli kasalliklar tarqalishiga qarshi kurashish xizmati mutaxassislari uchun sanitariya-epidemiologik nazoratni kuchaytirish, aholi orasida yuqumli kasalliklarning oldini olish ishlari bo‘yicha keng imkoniyatlar yaratdi.

Markaz zamonaviy sog‘liqni saqlash tizimining yutuqlaridan faol foydalangan holda, mamlakatimizdagi tegishli xizmat uchun ilmiy-tadqiqot, amaliy-uslubiy, axborot tahlil va laboratoriya tarmog‘i sifatida xalqimizga xizmat qiladi.

Yuqumli kasalliklarning oldini olish bo‘yicha chora-tadbirlar

Yurtimizda aholini yuqumli kasalliklardan himoya qilish, sanitariya gigiyenasi, kasalliklarning tarqalishiga qarshi kurashish hamda emlash asosidagi profilaktik tadbirlar keng ko‘lamda amalga oshirilmoqda. Bu ishlar Jahon sog‘liqni saqlash tashkiloti (JSST) tomonidan tasdiqlangan vaksinalar orqali olib boriladi. Em-xastaliklar davlat mablag‘lari hisobidan bepul bajariladi.

Hozirda 14 turdagi yuqumli kasalliklarga qarshi emlash ishlari olib borilmoqda. Bolalar va kattalarga doimiy ravishda emlashlar o‘tkazilishi, profilaktik tadbirlarning o‘z vaqtida amalga oshirilishi va aholining faol ishtiroki tufayli yuqumli kasalliklar darajasi sezilarli darajada kamaydi.

Xalqaro hamkorlik va yutuqlar

Xalqaro tashkilotlar bilan o‘zaro manfaatli hamkorlik doirasida markazning referens-laboratoriyasi tarkibidagi virusologiya bo‘limi 2019-yil sentyabr oyida JST tomonidan gripp bo‘yicha Milliy Markaz maqomiga loyiq deb topildi va tegishli vazifalarni bajarishga vakolat berildi.

2021-yilda olib borilgan ishlar va laboratoriya nazoratining doimiyligi tufayli ushbu maqom saqlanib kelinmoqda. Bo‘limda qizamiq, qizilcha kabi yuqumli kasalliklarni aniqlash bo‘yicha JSST tomonidan yuborilgan namunalar tekshirilib, natijalar xodimlarning yuqori malakasini ko‘rsatmoqda.

Shuningdek, markaz JSTning Yevropa mintaqaviy vakolatxonasi bilan quyidagi yo‘nalishlarda hamkorlikni davom ettirmoqda:

• Yuqumli kasalliklarning tabiatini va xususiyatlarini o‘rganishda genomik tibbiyotning rivojlantirilishi;

• Mutaxassislarni chet elga yuborish;

• Chet ellik mutaxassislarning kelib tajriba almashishi;

• O‘quv-seminarlar tashkil etish;

• Yuqumli kasalliklarning oldini olish;

• Raqamli tizimlarni rivojlantirish.

Oziq-ovqat xavfsizligi va xalqaro akkreditatsiya

2020-yilda markazning oziq-ovqat mahsulotlarini tekshirish bo‘limi tarkibidagi laboratoriyalarda quyidagi tahlillar olib borildi:

• Bakteriologik tahlillar,

• Molekulyar-genetik tekshiruvlar,

• Immunoferment usullari asosida tahlillar.

Bu ishlar ISO/IEC 17025:2017 xalqaro standartlariga muvofiq Latviya Milliy Akkreditatsiya Byurosi tomonidan akkreditatsiyadan o‘tkazilib, tegishli bo‘limlarga akkreditatsiya guvohnomalari topshirildi.

Shuningdek, markazda JSST ko‘magida “FEEDcities” loyihasi doirasida trans-yog‘lar va tuz miqdorini aniqlash bo‘yicha ilk bor laboratoriya tahlillari amalga oshirildi.

2019-yildan beri ushbu markazda Myrat Garryýew nomidagi Turkmaniston Davlat Tibbiyot Universitetining oziq-ovqat gigiyenasi kafedrasi faoliyat yuritmoqda. Bu esa, xalqaro akkreditatsiyadan o‘tgan oziq-ovqat laboratoriyalarida talabalar uchun amaliy mashg‘ulotlar o‘tkazishga imkon beradi.

Yuqumli kasalliklarning yo‘q qilinishi va xalqaro guvohnomalar

Mamlakatimizda ayrim yuqumli kasalliklarning yo‘q qilinganini tasdiqlovchi xalqaro guvohnomalar mavjud. Bu, shifokorlarimizning kasalliklarning oldini olish borasidagi katta tajribasini ko‘rsatadi. JSTning Yevropa mintaqasidagi boshqa davlatlarga ushbu tajribaning tavsiya qilinishi esa, erishilgan yutuqlarning ifodasidir.

Sifat menejmenti tizimidagi yetakchilik

2024-yilda Jamoat salomatligi va oziq-ovqat markazida olib borilayotgan laboratoriya ishlarining Sifat menejmenti tizimi bo‘yicha TDS ISO 9001 standartlariga muvofiqligi tasdiqlandi. Bu yerda olib borilayotgan laboratoriya nazoratlarining yuqori sifatda ekanligi hamda tibbiyot tizimiga oid sifat ko‘rsatkichlarining yuqori talablariga mosligi rasmiy ravishda e’tirof etildi.

Markazda olib borilayotgan ishlarning xalqaro standartlarga mos tarzda bajarilishi, Gahryman Arkadagymyz tomonidan boshlangan va hormatly Prezidentimiziň (muhtaram Prezidentimizning) rahbarligida muvaffaqiyatli davom ettirilayotgan “Saglyk” (Sog‘liq) Davlat Dasturining samarali amalga oshirilayotganining yaqqol isbotidir.