Deňiz kebelegi
Ylmy dilde «Gymnosomata» diýlip atlandyrylýan bu kebelekler ýyrtyjy deňiz jandarlarynyň bir görnüşidir. Olara demirgazyk ýarymşaryň sowuk suwly ýerlerinde 500 metr çuňluklarda duşmak mümkindir. Deňiz kebelekleriniň 2—4 santimetr ululykdaky bedeniniň täsin gurluşy edil dury aýna ýalydyr. Olar myşsalardan emele gelen ganatlarynyň kömegi arkaly ýüzýärler. Deňiz kebelekleriniň maňlaýynda we kellesiniň gapdallarynda iki jübüt ösen şahjagazlaryda bardyr. Başgaça «deňiz perişdeleri» diýlip atlandyrylýan bu jandarlaryň esasy iýmiti planktonlardan, mollýuskalardan we beýleki maýdajyk deňiz jandarlaryndan ybaratdyr.
