Lebap welaýatynda U12 kiçi basketbol ýaryşy tamamlandy

Ýakynda Lebap welaýatynyň birinjiligi ugrunda U12 kiçi basketbol ýaryşy geçirildi. Bu ýaryşda Türkmenabat şäheri, Çärjew we Dänew etraplarynyň türgenleriň arasynda, hereketli we çekeleşikli oýunlar bolup geçdi.

Türkmenabat – 1 Oglanlar topary ýeňiş gazandy
Erkekler arasynda geçirilen bäsleşikde, «Türkmenabat – 1» topary birinji orny eýeledi. Däp bolşy ýaly, bu topar ähli garşydaşlaryna garşy güýçli oýnady. Dänew etrabynyň topary 2-nji, «Türkmenabat – 2» topary bolsa 3-nji orunlary eýelemegi başardy.

Gyzlaryň arasynda-da «Türkmenabat – 1» topary ýeňiş gazandy
Gyzlar toparynda-da üstünlük Türkmenabat – 1 toparynyň elinde boldy. Bu topar, gyzlaryň arasynda ýokary derejeli oýunlary görkezdi. Çärjew etrabynyň topary 2-nji orny, «Türkmenabat – 2» topary bolsa 3-nji orny eýelediler.

Ýaryşyň jemlenişi bilen ýeňiji bolan türgenlere we toparlara guramaçylar tarapyndan taýýarlanan Hormat hatlary we sowgatlar gowşuryldy. Ýaryş, ýaşlaryň sporta bolan gyzyklanmalaryny ýokarlandyrmak we sagdyn durmuş ýörelgelerini wagyz etmek maksady bilen ýokary derejede guraldy.