Hytaýda maglumatlary ýagtylyk arkaly geçirýän çip döredildi — tizligi 38 Tbit/s ýetýär

Elektrik däl-de, ýagtylyk arkaly maglumat

Adaty mikroçiplerde maglumat elektrik impulslarynyň geçirijiler arkaly hereket etmegi bilen geçýär. Täze çemeleşme bolsa, optiki tolkunlaryň ( ýagtylygyň) peýdalanylmagy esasynda işleýär. Bu tehnologiýanyň birnäçe artykmaçlygy bar:

• Tizlik has ýokary

• Giçikme pes

• Gyzma (termiki energiýa sarp edilişi) az

Esasy bölek: optiki multiplikator

Optiki multiplikator köp sanly ýagtylyk signalyny birleşdirýär we bölýär. Bu bolsa superkompýuterleriň we uly maglumat merkezleriniň işinde örän möhüm funksiýany ýerine ýetirýär.

Mundan başga-da, täze döredilen çip häzirki zaman ulgamlaryna hem gatyşyp bilýär, sebäbi ol häzirki zaman elektron enjamlarynda ulanylýan CMOS arhitekturasy bilen utgaşyklydyr.

Alymlaryň resmi maglumatlaryna görä:

Fudan uniwersitetiniň resmi habaryna görä, täze foton çipi şu mümkinçilikleri hödürleýär:

• Maglumat geçiriş tizligi: 38 Tbit/s çenli

• Ýiti hasaplaýyş ukyby: sekuntda 4,75 trillion parametri işläp bilýär

  • (Bu görkeziji uly dil modelleri – LLM bilen işlemek üçin möhüm)

Bu netijeler esasynda, emeli aň modelleriniň (meselem, ChatGPT, Gemini ýa-da Claude) tiz öwrenmegi we ýerine ýetirilişi göni enjamda amala aşyrylyp bilner – uzakdaky serwerlere ýüz tutmazdan.

Näme üçin bu möhüm?

Hünärmenleriň bellemegine görä, foton çipleriniň hasaplaýyş ulgamlaryna ornaşdyrylmagy:

• Maglumat merkezleriniň energiýa sarp edilişini azaldar

• Emeli aň serwerleriniň geçiriş ukybyny artdyrar

• Has çalt we ekologiýa taýdan has arassa arhitekturalaryň gurluşygyna mümkinçilik berer

Bu ösüş, maglumat möçberiniň çalt artýan döwründe, aýratyn-da emeli aň tehnologiýalarynyň ösmegi bilen, örän möhüm bolýar.