Dänew etrabynda ýaş türgenleriň arasynda erkin göreş boýunça ýaryş geçirildi
Dänew etrabynyň Bedenterbiýe we sport bölüminiň 6-njy sport mekdebinde 2015–2016-njy ýyllarda doglan oglanlaryň arasynda erkin göreş boýunça mekdebiň açyk birinjiligi geçirildi.
Çekeleşikli geçen ýaryşda ýaş türgenler öz ukyp-başarnyklaryny görkezdiler. Ýaryşda Hasan Rüstemow, Döwletgeldi Halbaýew, Şanur Nuriddinow, Rasul Nurmuhammedow we Rüstem Jepbarkulyýew dagy üstünlik gazandylar.
Ýeňijilere sport mekdebiniň Hormat hatlary gowşuryldy.
