"Üzümiň saglyga paýdasy: Tebigatyň datly dermanlygy"
Üzüm — tomsuň paslynyň iň datly hem-de peýdaly miweleriniň biri hökmünde tanalýar. Onuň düzüminde adam saglygy üçin möhüm bolan A, B, C, E, PP witaminleri bilen birlikde kalsiý, fosfor, magniý, kaliý, demir, natriý ýaly mineral maddalar bar. Şeýle hem, glýukoza, saharoza, fruktoza ýaly tebigy şekeriň görnüşleri hem üzümiň düzüminde giňden duşýar.
Şonuň üçin üzüm diňe bir datly tagam hökmünde däl, eýsem saglygyň berk bolmagynda hem möhüm orun tutýar. Üzümiň düzümindäki bu peýdaly maddalar bedeni güýçlendirýär we immun ulgamyny güýçlendirýär. Miwelerinde 14 — 25 göterim aralygynda ereýän, bedende ýeňil özleşdirilýän glýukoza, fruktoza, rafinoza, ksiloza ýaly maddalaryň bolmagy, üzümiň energiýa bilen üpjün edýän täsirini güýçlendirýär. Glýukoza gana tiz geçip, bedeniň energiýa bolan islegini tiz wagtda kanagatlandyrýar.
Üzüm diňe bir iýmit hökmünde däl, eýsem bejeriş serişdesi hökmünde hem ulanylýar. Onuň antiseptiki häsiýeti dürli ýokançlyklaryň öňüni alýar. Üzüm ganazlyk, ýürek-damar keselleri, bagyr näsazlyklary, dem alyş ýollarynyň sowuklamalary, bognagyry ýaly dertleriň bejergisinde peýdalydyr. Şeýle hem, beýni işjeňligini artdyrmakda we adamyň psihiki ýagdaýyny gowulandyrmakda uly täsir edýär.
Yzygiderli üzüm iýýän adam özüni ýeňil, sagdyn we ruhubelent duýýar. Tebigatyň bu datly sowgady diňe bir süýji tagam bolman, eýsem adam saglygynyň berk bolmagynda möhüm orun eýeleýär.
