Ýapon kompaniýalary Tokiodan Nýu-Ýorka 60 minutda barylýan kosmos uçuşlaryny ýola goýmagy maksat edinýärler
Ýapon turist agentligi Nippon Travel Agency bilen başlangyç tehnologiýa kompaniýasy Innovative Space Carrier (ISC) kosmos syýahatlaryny söwda taýdan ornaşdyrmak boýunça hyzmatdaşlyk barada ylalaşdylar. Geljekde bu taslama Tokio bilen Nýu-Ýork şäherleriniň arasyndaky aralygy bary-ýogy 60 minutda geçmäge mümkinçilik berer.
Bu barada “Report” halkara metbugata salgylanyp habar berdi. Kompaniýalaryň bilelikdäki beýannamasynda aýdylmagyna görä, şu aýda baglaşylan şertnama “SPACE Tour” atly uzak möhletleýin maksatnamany amala aşyrmagy göz öňünde tutýar. Maksatnama basgançaklaýyn: bilim maksatly programmalardan başlap, 2030-njy ýyllarda kosmos uçuşlaryna we orbitada guralýan syýahatlara çenli ösmegi göz öňünde tutýar.
Nippon Travel Agency-niň hasaplamalaryna görä, suborbital uçuşyň biletiň bahasy takmynan 100 million ýapon ýenine (takmynan 657 müň ABŞ dollaryna) deň bolar — gaýdyp gelmek bilen birlikde. Uçuşlaryň deňiz platformalaryndan amala aşyrylmagy, şeýle hem kosmos apparatlarynyň düzüm birligi gaýtadan ulanylýan görnüşde bolmagy meýilleşdirilýär.
